Kunezinguquko ezizayo ngama-meter kagesi
SEKUYAQALWA kukhunjuzwa labo abasebenzisa ugesi wekhadi ukuthi kusukela emva komhlaka 24 November 2024, ama-meter kagesi angabuyekeziwe (updated), ngeke esawathatha ama-voucher okufaka ugesi.
Lokhu kuza emva kwesitatimende esakhishwa inkampani kagesi u-ESKOM ngo 2021 lapho yasho khona ukuthi ngo 2024, i-software okuyiyona eyenza lonke uhlobo lwama-meter kagesi ukuthi lusebenze, izophelelwa yisikhathi.
Ngokusho kwabakwa-ESKOM, ukubuyekezwa kwale-software kumahhala kanti amakhasimende azolekelelwa uma ehlangabezana nezinkinga.
Ngo-August 2022, i-City of Cape Town yamemezela ukuthi isikwazile ukubuyekeza ama-meter angaphezulu kuka 170 000 kwangu 570 000 afakwe emizini yezakhamizi zakuleli dolobha.
Edolobheni lase Kapa, amakhasimende kagesi aseqalile ukuthola izeluleko (instructions) okumele azilandele ukuze abuyekeze i-software kuma-meter azo.
Kubhekeke ukuthi nabanye oMasipala baqalise ngohlelo lokuqwashisa izakhamizi ngaloluhlelo kuze kushaye u November 2024.
Kuxwayiswa umphakathi ukuba ungavumeli noma ubani othi uzobheka i-meter ukuthi angene uma engasiphethe isigqebhezane namaphepha aqinisekisa ukuthi ugunyazwe uMasipala ukuthi azokwenza lo msebenzi.
